Альбом «Прэс-фота Беларусі» выходзіць другі год і прэзентуе здымкі пераможцаў аднайменнага конкурсу. «Прэс-фота Беларусі» - конкурс фатографаў, якія працуюць у сферы медыя.

Быў заснаваны ў 2009 годзе айчыннымі фотарэпарцёрамі. Праводзіцца штогод. У конкурсе прымаюць удзел супрацоўнікі як дзяржаўных, так і недзяржаўных СМІ. У 2011 годзе аргкамітэт атрымаў больш за 2000 конкурсных здымкаў ад 72-х аўтараў. Пераможцы вызначаюцца ў 8-мі рубрыках- Навіны, Людзі ў навінах, Паўсядзённае жыццё, Спорт, Партрэт, Мастацтва і забавы, Прырода, Народныя традыцыі. У кожнай намінацыі ўзнагароджваліся як адзінкавыя здымкі, так і серыі работ.

Больш інфармацыі аб конкурсе вы можаце атрымаць на сайце http://pressphoto.by

Нагадваем таксама, што нашу прадукцыю можна купіць у Мінску ў

• - Галерэі сучаснага мастацтва«Ў» (пр. Незалежнасці, 37А)
• - Кнігарні «Логвінаў» (пр.Незалежнасці, 37А)
• - Краме «Падземка» (пр.Незалежнасці, 43)
• - Кніжны кірмаш «Белэкспа» (вул.Я.Купалы, 27) 
•  

У іншых гарадах альбомы і каляндар можна замовіць поштай, праз сайты http://knihi.by (дастаўка па Беларусі) http://prastora.by (дастаўка па Беларусі і за мяжу). Наш праект некамерцыйны. Усе сродкі ад продажу прадукцыі (альбомы і каляндар) ідуць на падтрымку конкурсу прэс-фатаграфіі.

Пасля прэзентацыі адбудзецца канцэрт Зміцера Вайцюшкевіча.

Чакаем вас! 

У рамках праекта Gender in visual art

Галерэя сучаснага мастацтва “Ў”

запрашае на прагляд кінафільма “Усмешка Моны Лізы”.

Працягласць: 117 хв.

Рубрыка: Драма

Год: 2003

Вытворчасць: ЗША

Рэжысёр: Майк Ньюэлл 1953 год.

У Амерыцы ідзе барацьба жанчын за свае правы, і ў гэты час Кэтрын Эн выпускніца Берклі, атрымлівае месца выкладчыка гісторыі мастацтваў у жаночым каледжы Уэллесли. Аднак сярод кіраўніцтва і выкладчыцкага складу каледжа пераважаюць патрыярхальныя погляды на ролю жанчыны ў гэтым свеце.

Дзень і час прагляду:

3 лютага 2012 (пятніца) - 19.00,

4 лютага (субота) - 16.00,

5 лютага 2012 (нядзеля) - 16.00.

Уваход вольны!

Santa factory

Калядны маркет дызайнерскіх падарункаў

Галерэя сучаснага мастацтва "Ў", пр-т Незалежнасцi 37A

27 снежня (аўторак), 14:00-22.00

Уваход вольны!

Апошні пераднавагодні шанец пашопіць культурна. Гэты калядны маркет – дзіцё любоўных стасункаў галерэі «Ў» і часопіса 34mag.net. На гэтай імпрэзе можна будзе знайсці дызайнерскія паштоўкі на беларускай мове ад 34mag, вінілавыя цацкі і ўсё для іх вырабу, а таксама іншыя прадукты фантазіі больш як 20 дызайнераў.

Мы – за шопінг высокай культуры, таму ўвесь час атмасферу будуць ствараць дзіджэі, а на экранах будзе відэанарэзка з навагодніх мультоў ды фільмаў. З іншых бонусаў – увага, халява! – бясплатная запакоўка падарункаў у крафт-паперу, якая ўжо амаль зрабілася сімвалам крамы «Ў».

Менш стрэсу і мітусні, болей святочнага настрою!

Навагодні фестываль «Каралеўства маленькіх цмокаў»

24 i 25 снежня з 12.00 да 19.00 

Фестываль падарункаў, майстар-класаў, вялікіх сюрпрызаў і гіганцкіх цудаў для сапраўдных прынцэс і рыцараў. 

Уваход вольны!

24 і 25 снежня галерэя сучаснага мастацтва Ў ператварыцца ў каралеўства маленькіх цмокаў. Запрашаем сапраўдных прынцэс і рыцараў! Свет каралеўства створаць для вас мастакі Антаніна Слабодчыкава і Міхаіл Гулін. Кожны дзень у Кнігарні ЛогвінаЎ пройдуць кніжныя ранішнікi з Юрыем Усціновічам, чытанні казак ад Алены Бабак. Святочная праграма калядных спеваў ад Марты і Яны Шчарбаковых. Вас чакае тэатр ад Святланы Бень і Антаніны Слабодчыкавай.

Зрабіць падарункі і ўпрыгожанні сваімі рукамі дапамогуць на майстар-класах. У кожнага рыцара і прынцэсы з’явіцца карона і дыядэма з дапамогай Наталлі Зямчонак. Ваўняныя сувеніры ствараем разам с Ірынай Калеснікавай. Ганна Барэйка адкрые сакрэты ўнікальных паштовак. З Верай Прохаравай вы зможаце зрабіць вінтажныя дэкаратыўныя зоркі з паперы. Марыя Карпянкова пакажа, як распісаць драўляныя фігуркі. Як ствараць ёлачныя цацкі і навагоднія шкарпэткі для цудаў вас навучаць Маргарыта Лазарэвіч і Аляксандра Лучкіна. Вольга Бабурына дапаможа зрабіць драўляныя падвескі-кулоны, упрыгожаныя ўзорам у тэхніцы “выцінанка”. Павел Лукашэвіч прапануе роспіс вінілавых цацак, а для зусім маленькіх прынцаў і прынцэс - роспіс картонных нарыхтовак. З Ірынай Лукашэнка вы зробіце гліняныя магніцікі, а водар араматычных цацак адчуеце на майстар-класе Вікторыі Вядзерка, дзе разам з мастаком зможаце іх расфарбаваць.

Партнёры фэсту: Samsung, Гран Сістэма-С. 

Падтрымка: Жывыя фатэлі, "Чай-Чай".

Расклад фестывалю:

24 снежня

Майстар-класы

• 12.00 - 13.30 Ірына Калеснікава (ваўняныя сувеніры)
• 13.00 - 14.00 Вікторыя Вядзерка (араматычныя цацкі)
• 13.30 - 15.00 Ганна Барэйка (паштоўкі)
• 13.30 - 15.00 Павел Лукашэвіч (роспіс вінілавых цацак, зарыхтовак)
• 14.00 - 15.00 Маргарыта Лазарэвіч і Аляксандра Лучкіна (шкарпэткі для цудаў)
• 15.00 - 16.30 Ірына Калеснікава (ваўняныя сувеніры)
• 15.00 - 16.00 Ірына Лукашэнка (гліняныя магніцікі)
• 15.30 - 16.30 Маргарыта Лазарэвіч і Аляксандра Лучкіна (шкарпэткі для цудаў)
• 16.00 - 17.00 Вікторыя Вядзерка (араматычныя цацкі)
• 16.30 - 17.30 Вольга Бабурына (Драўляныя падвескі з "выцінанкай)
• 16.30 - 18.00 Ганна Барэйка (паштоўкі)
• 17.30 - 19.00 Вера Прохарава (вінтажныя зоркі)
• 18.00 - 19.00 Вольга Бабурына (Драўляныя падвескі з "выцінанкай)
• 18.00 - 19.00 Павел Лукашэвіч (роспіс вінілавых цацак, зарыхтовак)

Музыкі

• 13.00 - 17.00 Музычная праграма ад гурта Pan-Quartet
• 16.00 - 19.00 Калядныя спевы ад Яны i Марты Шчарбаковых

Праграма ў кнігарні "логвінаЎ"

• 12.00 - 14.00 Алена Бабак. Чытаннi аўтарскiх казак
• 14.00 – 16.00 Святы Мікалай party-1. Літаратурны ранішнік для дзетак. Паэты, музыкі і пісьменнікі прачытаюць, распавядуць, ці нават праспяваюць калядныя казкі: Людміла Рублеўская, Аляксандр Памідораў, Анка Ўпала, Вера Жыбуль, Севярын Квяткоўскі. Вечарыну ўганаруе візітам Яго Дзіцячая Мосць святы Мікалай!
• 16.00 – 18.00 Алена Бабак. Чытаннi аўтарскiх казак 

25 снежня

Майстар-класы

• 12.00 - 13.30 Марыя Карпянкова (роспіс драўляных фігурак)
• 12.00 - 13.00 Вольга Бабурына (Драўляныя падвескі з "выцінанкай)
• 13.00 - 14.00 Ганна Барэйка (паштоўкі)
• 14.00 - 15.00 Павел Лукашэвіч (роспіс вінілавых цацак, зарыхтовак)
• 14.00 - 15.30 Ірына Калеснікава (ваўняныя сувеніры)
• 14.00 - 15.30 Марыя Карпянкова (роспіс драўляных фігурак)
• 15.30 - 16.30 Ірына Лукашэнка (гліняныя магніцікі)
• 15.30 - 16.30 Павел Лукашэвіч (роспіс вінілавых цацак, зарыхтовак)
• 16.30 - 17.30 Ганна Барэйка (паштоўкі)
• 16.30 - 18.00 Ірына Калеснікава (ваўняныя сувеніры)
• 17.00 - 18.00 Вікторыя Вядзерка (араматычныя цацкі)

Музыкі ды тэатр

• 15.00 - 19.00 Калядныя спевы ад Яны i Марты Шчарбаковых
• 17.00 - 18.00 "Быў бы ў мяне цмок". Тэатр "Картонка"ад Святланы Бень i Антанiны Слабодчыкавай

Праграма ў кнігарні “логвінаЎ”

• 14.00 – 16.00 Святы Мікалай party-2. Прэзентацыя дзіцячай кнігі “Майстра Рукша” Юрыя Ўсціновіча. Юры Ўсціновіч прадставіць дзеткам сваю кнігу “Майстра Рукша”, зробленую паводле беларускай міфалогіі. Казаньне-казачка пра майстра слыннага Рукшу і пра тое, як змайстраваў ён коніка незвычайнага Грыўку. З музыкай і прэзентамі.

У раскладзе магчымы змены.

Узгадайце, якім быў навагодні фестываль "З ног на галаву" у мінулым годзе.

15.00 - 18.00

Чакаем вас разам з дзеткамі на майстар-клас па рамёствах!

Вышываем, малюем, ствараем арт-аб'екты!!!

12.00-17.00 Увесь дзень разам з вамі мы ладзім сваімі рукамі рэчы, якія могуць зрабіць навакольнае асяроддзе больш утульным (птушоўні, дзіцячыя качэлі, арт-аб’екты з разнастайных матэрыялаў, вышыванкі). Звычайным, на першы погляд, рэчам будзе аддадзены новы сэнс, мэседж. Усе жадаючыя могуць зрабіць разам з мастакамі дызайнерскую цішортку, якую можна заставіць сабе, ці падараваць сябру.

18.00 Паэтычныя чытанні. Дзіта Карэліна

19.00 Skype-канферэнцыя з арганізатарамі КВИРФЕСТа (C.-Пецярбург)

«Queer - "дзіўны, неардынарны". Сёння гэта паняцце можа быць інтэрпрэтаванае як існаванне "па-за стэрэатыпаў полу і гендэру". Расплывістасць значэння гэтага тэрміна дазваляе людзям, якія завуць сябе «квір», пазбегнуць жорсткіх рамак і сацыяльных стэрэатыпаў.

Квiр-культура і яе прадстаўнікі з'яўляюцца неад'емнай складаючай арт-працэсаў Расеі, але да гэтага часу яна была нябачная і не трапляла ў поле зроку прыхільнікаў сучаснага мастацтва. У рамках нашага фестывалю мы прадставім ўсю палітру творчых пошукаў прадстаўнікоў квір-культуры ў розных напрамках творчасці ад фатаграфіі да сцэнічных перформансаў, ад fashion-industry да рок-фэсту ў падтрымку асноўных мэседжаў фестывалю: талерантнасць, мастацтва па-за полу і гендэрная разнастайнасць, магчымасць самавыяўлення, мастацтва быць сабой.

Квір-мастацтва - гэта мастацтва адкрытасці і прыняцця, правакатыўнае мастацтва, якое прымушае задумацца і зірнуць на звыклы свет з яго падзеямі іншымі вачыма.»

З афицыйнай старонкі фестывалю http://queerfest.ru/

Пра актуальнасць праблем гвалту ў адносінах да жанчын красамоўна сведчаць факты: 4 з 5-ці жанчын Беларусі ва ўзросце 18-60 гадоў падвяргаюцца псіхалагічнаму гвалту ў сям'і, кожная чацвёртая (з рознай частатой) - фізічнаму гвалту.

У конкурсе прыняло ўдзел больш за 50 дызайнаў футболак ад мужчын Беларусі ва ўзросце ад 18 да 25 гадоў. Сярод іх прафесійнае журы адабрала найбольш цікавыя з пункту гледжання крэатыўнасці, агульнага ўздзеяння і арыгінальнасці паслання. Пераможцам стаў Максім Ермачонак з працай «Усё мае другі бок».

У склад журы ўвайшлі: Ларыса Грыбалёва, спявачка, тэлевядучая; Юлія Ляшкевіч, рэкламны кансультант; Васіль Андрэеў, дызайнер; Юлія Галавіна, дызайнер; Вольга Шыбека, супрацоўнік ААН, спецыяліст у пытаннях гендэрнай роўнасці, Таццяна Гаплічнік, Каардынатар праграм ЮНФПА ў Беларусі.

Сярод прадстаўленых дызайнаў можна ўбачыць працу Фёдара Сіленкова, які стаў пераможцам міжнароднай версіі конкурсу ААН. Яго варыянт дызайну быў прызнаны лепшым у еўрапейскім рэгіёне.

Вынікі конкурсу будуць прэзентаваныя ў прасторы галерэі сучаснага мастацтва “Ў” 29 лістапада а 13-й гадзіне.

Выстава дзейнічае да 1 снежня 2011.

У рамках праекта "20 000 запальнічак" у галерэі "Ў" адбудзецца чытанне вершаў Васі Шугалея.

Выканаўцы:

Вікторыя Шаблінская

Уладзімір Шаблінскі

Аляксандр Казела.

Запрашаем усіх жадаючых!

у галерэі сучаснага мастацтва "Ў" адбудзецца круглы стол

"Ці магчыма сацыяльна-арыентаванае мастацтва ў Беларусі?"

Падчас круглага стала будуць разгледжаны наступныя пытанні:

1. Якое мастацтва можна лічыць сацыяльна-арыентаваным?

2. Актуальнае = сацыяльна-арыентаванае?

3. Якое актуальнае мастацтва неабходна сёння ў Беларусі?

4. Ці магчыма ў Беларусі сацыяльна-арыентаванае мастацтва?

У якасці экспертаў круглага стала выступяць:

Таццяна Арцімовіч, тэатральны рэжысёр, арт-крытык

Міхаіл Гулін, мастак

Андрэй Дурэйка, мастак

Сяргей Кірушчанка, мастак

Ірына Саламаціна, незалежны менеджэр арт-праектаў, ініцыятар праекта «Гендэрны маршрут»

Альміра Усманова, філосаф, прафесар і кіраўнік акадэмічнага дэпартамента медыя ЕГУ

Мадэратар дыскусii - Вольга Шпарага, філосаф, дацэнт ЕГУ, рэдактар інтэрнэт-часопіса "Новая Еўропа"

Перад пачаткам круглага стала мастак Канстанцін Селіханаў раскажа пра свой удзел ва ў 24-ай UBE Biennale. Дэталёвую інфармацыю аб праекце гл. на сайце www.critic.urban.by

Запрашаем усіх зацікаўленых!

Месца правядзення: Галерэя "Ў", пр-т Незалежнасцi 37а

Час правядзення: 12 лістапада 2011 у 15.00

З пытаннямі звяртацца да Алы Вайсбанд e.grenzenlos@gmail.com