Прэзентыцыя праекта-пераможцы конкурсу для маладых мастакоў Smart Art "Непасрэдныя"

14.02 — 01.03.2012

Праект "Непасрэдныя", які стаў пераможцам конкурсу Smart Art, уяўляе з сябе сацыяльны эксперымент. Раман Аксёнаў запрасіў у галерэю людзей, якія не звязаны з культурай, больш за тое: многія з іх ніколі не наведвалі мастацкія выстаўныя прасторы. Рэакцыя такіх персанажаў — "непасрэдных" — на эксперымент з’яўляецца асноўным аб’ектам вывучэння. Сябе мастак перайменаваў у "пасрэднага", то бок залежнага ад сістэмы мастацтва. З газетных абвестак і гарадскіх пошукаў, абяцаючы наведвальнікам "фуршэт і славу", мастак плануе адшукаць і прывабіць у галерэю зацікаўленых у мерапрыемстве жыхароў горада. Падчас "VIP-адкрыцця" гледачам было прапанавана паспрабаваць самастойна намаляваць нешта на палатне, падзяліцца сваім меркаваннем пра атрыманы досвед і сістэму мастацтва. Вынік эксперымента — палотны, аб’екты, дакументы, відэа-інтэрв’ю — будуць апублікаваны на выставе.

Выстава дэманструе класічны прыём сацыяльна ангажаванага мастацтва (якое таксама называюць мастацтвам узаемадачыненняў, relation art, калабарацыйным мастацтвам), калі глядач з’яўляецца стваральнікам твора, а мастак адыходзіць на другі "пасрэдны"» план. Relation Art вельмі папулярны ў замежжы, ён прываблівае гледачоў сваім эксперыментатарскім духам і непрадказальным вынікам.

Конкурс быў заснаваны галерэяй сучаснага мастацтва "Ў" і кампаніяй velcom і адрасаваны маладым мастакам-пачаткоўцам з Беларусі (ад 16 да 30 гадоў уключна), якія працуюць у сферы сучасных візуальных мастацтваў. Пры гэтым аўтарскі выбар візуальных медыя, наяўнасць мастацкай адукацыі і ўзровень прафесійнай падрыхтоўкі пры падачы заяўкі не мелі значэння.

Нагадаем, што 15 красавіка 2011 года журы конкурсу выбрала шэсць канцэпцый з пяцідзесяці дасланых на конкурс. Разам з Раманам Аксёнавым на наступны этап прайшлі група txyz.info (Саша Іўлеў, Воля Карэлькіна, Кацярына Шах), Мікалай Бялько, Група FAU (Іван Краўцоў, Арцём Паламаны), Таццяна Прудзіннік, дуэт Андрэя Анкуды і Тараса Калягіна. Раман Аксёнаў стаў пераможцам конкурсу і выйграў права рэалізацыі персанальнай выставы ў галоўнай залі галерэі сучаснага мастацтва "Ў".

У склад прафесійнага журы ўвайшлі: Уладзімір Цэслер, Руслан Вашкевіч, Валянціна Кісялёва, Дзіана Цыбульская, Вольга Шпарага, Сяргей Кірушчанка. Аргкамітэт конкурсу: куратар конкурсу — Сяргей Шабохін (мастак, арт-актывіст), каардынатар конкурсу — Ганна Чыстасердава (арт-дырэктар галерэі сучаснага мастацтва "Ў").

Прэзентацыя праекта "Непасрэдныя" працягнецца з 14 лютага па 1 сакавіка 2012 года ў галерэі сучаснага мастацтва "Ў".

Адкрыццё адбудзецца 14 лютага а 19-й гадзіне, уваход вольны.

Прэзентыцыя праекта-пераможцы конкурсу для маладых мастакоў Smart Art "Непасрэдныя"

14.02 — 01.03.2012

Праект "Непасрэдныя", які стаў пераможцам конкурсу Smart Art, уяўляе з сябе сацыяльны эксперымент. Раман Аксёнаў запрасіў у галерэю людзей, якія не звязаны з культурай, больш за тое: многія з іх ніколі не наведвалі мастацкія выстаўныя прасторы. Рэакцыя такіх персанажаў — "непасрэдных" — на эксперымент з’яўляецца асноўным аб’ектам вывучэння. Сябе мастак перайменаваў у "пасрэднага", то бок залежнага ад сістэмы мастацтва. З газетных абвестак і гарадскіх пошукаў, абяцаючы наведвальнікам "фуршэт і славу", мастак плануе адшукаць і прывабіць у галерэю зацікаўленых у мерапрыемстве жыхароў горада. Падчас "VIP-адкрыцця" гледачам было прапанавана паспрабаваць самастойна намаляваць нешта на палатне, падзяліцца сваім меркаваннем пра атрыманы досвед і сістэму мастацтва. Вынік эксперымента — палотны, аб’екты, дакументы, відэа-інтэрв’ю — будуць апублікаваны на выставе.

Выстава дэманструе класічны прыём сацыяльна ангажаванага мастацтва (якое таксама называюць мастацтвам узаемадачыненняў, relation art, калабарацыйным мастацтвам), калі глядач з’яўляецца стваральнікам твора, а мастак адыходзіць на другі "пасрэдны"» план. Relation Art вельмі папулярны ў замежжы, ён прываблівае гледачоў сваім эксперыментатарскім духам і непрадказальным вынікам.

Конкурс быў заснаваны галерэяй сучаснага мастацтва "Ў" і кампаніяй velcom і адрасаваны маладым мастакам-пачаткоўцам з Беларусі (ад 16 да 30 гадоў уключна), якія працуюць у сферы сучасных візуальных мастацтваў. Пры гэтым аўтарскі выбар візуальных медыя, наяўнасць мастацкай адукацыі і ўзровень прафесійнай падрыхтоўкі пры падачы заяўкі не мелі значэння.

Нагадаем, што 15 красавіка 2011 года журы конкурсу выбрала шэсць канцэпцый з пяцідзесяці дасланых на конкурс. Разам з Раманам Аксёнавым на наступны этап прайшлі група txyz.info (Саша Іўлеў, Воля Карэлькіна, Кацярына Шах), Мікалай Бялько, Група FAU (Іван Краўцоў, Арцём Паламаны), Таццяна Прудзіннік, дуэт Андрэя Анкуды і Тараса Калягіна. Раман Аксёнаў стаў пераможцам конкурсу і выйграў права рэалізацыі персанальнай выставы ў галоўнай залі галерэі сучаснага мастацтва "Ў".

У склад прафесійнага журы ўвайшлі: Уладзімір Цэслер, Руслан Вашкевіч, Валянціна Кісялёва, Дзіана Цыбульская, Вольга Шпарага, Сяргей Кірушчанка. Аргкамітэт конкурсу: куратар конкурсу — Сяргей Шабохін (мастак, арт-актывіст), каардынатар конкурсу — Ганна Чыстасердава (арт-дырэктар галерэі сучаснага мастацтва "Ў").

Прэзентацыя праекта "Непасрэдныя" працягнецца з 14 лютага па 1 сакавіка 2012 года ў галерэі сучаснага мастацтва "Ў".

Адкрыццё адбудзецца 14 лютага а 19-й гадзіне, уваход вольны.

Выстава Gender in visual art працягнецца да 5 лютага.

З 26 па 29 студзеня ў галерэі сучаснага мастацтва "Ў" Беларускае маладзёжнае грамадскае аб'яднанне "Новыя Твары" праводзіць выставу Gender in visual art. Свае працы (фатаграфіі і рэкламныя постэры) прадэманструюць удзельнікі трэнінгу Gender in visual art. У рамках выставы адбудуцца лекцыі/дыскусіі і паказ фільма на тэму гендэра і гендэрнай роўнасці.

У канцы лістапада ў Мінску БМГА "Новыя Твары" арганізавала трэнінг па гендэрнай тэматыцы Gender in visual art для маладых спецыялістаў, якія працуюць з візуальнымі вобразамі: фатографаў, дызайнераў і рэкламістаў. Яны ствараюць свае работы, выкарыстоўваючы традыцыйныя для грамадства гендэрныя ролі, і не заўсёды ўлічваюць гендэрныя змены ў паводзінах і поглядах і рэакцыю людзей, якія не адпавядаюць гэтым ролям. У выніку – гендэрна некарэктныя вобразы ў візуальным мастацтве яшчэ больш ўзмацняюць значэнне і ўплыў традыцыйных роляў. Напрыклад, мужчына паказваецца моцным, разумным, які робяць кар'еру, а жанчына – слабай, якой патрэбна ахова, думаючай толькі аб сям'і. Таму галоўнай мэтай трэнінгу Gender in visual art было расказаць маладым спецыялістам пра гендэр і гендэрна карэктныя вобразы, каб яны маглі выкарыстоўваць атрыманыя веды ў сваёй працы.

Вынікам трэнінгу стане выстава Gender in visual art. Свае работы прадставяць удзельнікі трэнінгу: беларускія фатографы Алена Жукава, Кацярына Шатаво, Сафія Ермачонак, Аляксей Малюшыцкі, шведскі фатограф Сафія Рунарсдоццер, дызайнеры Вольга Паўлава, Кацярына Калацкая, спецыялісты ў галіне рэкламы і PR Кацярына Саковіч, Марыя Васільева і Андрэй Лагвіненка правядуць дыскусію на тэму "Гендэр ў рэкламе".

У рамках выставы пройдуць лекцыі/дыскусіі, якія правядуць эксперты і паказ фільма на тэму гендэра:

27 студзеня 19.00 – лекцыя/дыскусія "Што такое гендэр?" (Галерэя сучаснага мастацтва "Ў")

28 студзеня 12.00-14.30 – лекцыя/дыскусія "Гендэр ў візуальнай культуры: шведскі погляд" (галерэя сучаснага мастацтва "Ў")

28 студзеня 15.00-17.30 – дыскусія "Гендэр у рэкламе" (галерэя сучаснага мастацтва "Ў")

28 студзеня, 19.00 – паказ фільма "Усмешка Мона Лізы"/дыскусія (ТБ-бар кінатэатра "Рубін Плаза")

29 студзеня 12.00-14.30 – лекцыя / дыскусія "Гендэр у мастацтве" (галерэя сучаснага мастацтва "Ў")

29 студзеня 15.00-17.30 – лекцыя / дыскусія "Гендэр ў фатаграфіі" (галерэя сучаснага мастацтва "Ў").

Для таго, каб прыняць удзел у лекцыях/дыскусіях, паказе фільма, неабходна да 15.00 гадзін 27 студзеня запоўніць заяўку, у якой пазначыць, якія мерапрыемствы Вы хочаце наведаць (гэта можа быць, як адна лекцыя, так і ўсе).

Адкрыццё выставы адбудзецца 26 студзеня ў 19.00. Уваход па запрашальных.

Падрабязная інфармацыя аб выставе і экспертах на сайце БМГА "Новыя Твары" і на старонцы арганізацыі ў Facebook.

Партнёры выставы: галерэя сучаснага мастацтва "Ў", арт-кінатэатр "Рубін Плаза".

Навагодні фестываль «Каралеўства маленькіх цмокаў»

24 i 25 снежня з 12.00 да 19.00 

Фестываль падарункаў, майстар-класаў, вялікіх сюрпрызаў і гіганцкіх цудаў для сапраўдных прынцэс і рыцараў. 

Уваход вольны!

24 і 25 снежня галерэя сучаснага мастацтва Ў ператварыцца ў каралеўства маленькіх цмокаў. Запрашаем сапраўдных прынцэс і рыцараў! Свет каралеўства створаць для вас мастакі Антаніна Слабодчыкава і Міхаіл Гулін. Кожны дзень у Кнігарні ЛогвінаЎ пройдуць кніжныя ранішнікi з Юрыем Усціновічам, чытанні казак ад Алены Бабак. Святочная праграма калядных спеваў ад Марты і Яны Шчарбаковых. Вас чакае тэатр ад Святланы Бень і Антаніны Слабодчыкавай.

Зрабіць падарункі і ўпрыгожанні сваімі рукамі дапамогуць на майстар-класах. У кожнага рыцара і прынцэсы з’явіцца карона і дыядэма з дапамогай Наталлі Зямчонак. Ваўняныя сувеніры ствараем разам с Ірынай Калеснікавай. Ганна Барэйка адкрые сакрэты ўнікальных паштовак. З Верай Прохаравай вы зможаце зрабіць вінтажныя дэкаратыўныя зоркі з паперы. Марыя Карпянкова пакажа, як распісаць драўляныя фігуркі. Як ствараць ёлачныя цацкі і навагоднія шкарпэткі для цудаў вас навучаць Маргарыта Лазарэвіч і Аляксандра Лучкіна. Вольга Бабурына дапаможа зрабіць драўляныя падвескі-кулоны, упрыгожаныя ўзорам у тэхніцы “выцінанка”. Павел Лукашэвіч прапануе роспіс вінілавых цацак, а для зусім маленькіх прынцаў і прынцэс - роспіс картонных нарыхтовак. З Ірынай Лукашэнка вы зробіце гліняныя магніцікі, а водар араматычных цацак адчуеце на майстар-класе Вікторыі Вядзерка, дзе разам з мастаком зможаце іх расфарбаваць.

Партнёры фэсту: Samsung, Гран Сістэма-С. 

Падтрымка: Жывыя фатэлі, "Чай-Чай".

Расклад фестывалю:

24 снежня

Майстар-класы

• 12.00 - 13.30 Ірына Калеснікава (ваўняныя сувеніры)
• 13.00 - 14.00 Вікторыя Вядзерка (араматычныя цацкі)
• 13.30 - 15.00 Ганна Барэйка (паштоўкі)
• 13.30 - 15.00 Павел Лукашэвіч (роспіс вінілавых цацак, зарыхтовак)
• 14.00 - 15.00 Маргарыта Лазарэвіч і Аляксандра Лучкіна (шкарпэткі для цудаў)
• 15.00 - 16.30 Ірына Калеснікава (ваўняныя сувеніры)
• 15.00 - 16.00 Ірына Лукашэнка (гліняныя магніцікі)
• 15.30 - 16.30 Маргарыта Лазарэвіч і Аляксандра Лучкіна (шкарпэткі для цудаў)
• 16.00 - 17.00 Вікторыя Вядзерка (араматычныя цацкі)
• 16.30 - 17.30 Вольга Бабурына (Драўляныя падвескі з "выцінанкай)
• 16.30 - 18.00 Ганна Барэйка (паштоўкі)
• 17.30 - 19.00 Вера Прохарава (вінтажныя зоркі)
• 18.00 - 19.00 Вольга Бабурына (Драўляныя падвескі з "выцінанкай)
• 18.00 - 19.00 Павел Лукашэвіч (роспіс вінілавых цацак, зарыхтовак)

Музыкі

• 13.00 - 17.00 Музычная праграма ад гурта Pan-Quartet
• 16.00 - 19.00 Калядныя спевы ад Яны i Марты Шчарбаковых

Праграма ў кнігарні "логвінаЎ"

• 12.00 - 14.00 Алена Бабак. Чытаннi аўтарскiх казак
• 14.00 – 16.00 Святы Мікалай party-1. Літаратурны ранішнік для дзетак. Паэты, музыкі і пісьменнікі прачытаюць, распавядуць, ці нават праспяваюць калядныя казкі: Людміла Рублеўская, Аляксандр Памідораў, Анка Ўпала, Вера Жыбуль, Севярын Квяткоўскі. Вечарыну ўганаруе візітам Яго Дзіцячая Мосць святы Мікалай!
• 16.00 – 18.00 Алена Бабак. Чытаннi аўтарскiх казак 

25 снежня

Майстар-класы

• 12.00 - 13.30 Марыя Карпянкова (роспіс драўляных фігурак)
• 12.00 - 13.00 Вольга Бабурына (Драўляныя падвескі з "выцінанкай)
• 13.00 - 14.00 Ганна Барэйка (паштоўкі)
• 14.00 - 15.00 Павел Лукашэвіч (роспіс вінілавых цацак, зарыхтовак)
• 14.00 - 15.30 Ірына Калеснікава (ваўняныя сувеніры)
• 14.00 - 15.30 Марыя Карпянкова (роспіс драўляных фігурак)
• 15.30 - 16.30 Ірына Лукашэнка (гліняныя магніцікі)
• 15.30 - 16.30 Павел Лукашэвіч (роспіс вінілавых цацак, зарыхтовак)
• 16.30 - 17.30 Ганна Барэйка (паштоўкі)
• 16.30 - 18.00 Ірына Калеснікава (ваўняныя сувеніры)
• 17.00 - 18.00 Вікторыя Вядзерка (араматычныя цацкі)

Музыкі ды тэатр

• 15.00 - 19.00 Калядныя спевы ад Яны i Марты Шчарбаковых
• 17.00 - 18.00 "Быў бы ў мяне цмок". Тэатр "Картонка"ад Святланы Бень i Антанiны Слабодчыкавай

Праграма ў кнігарні “логвінаЎ”

• 14.00 – 16.00 Святы Мікалай party-2. Прэзентацыя дзіцячай кнігі “Майстра Рукша” Юрыя Ўсціновіча. Юры Ўсціновіч прадставіць дзеткам сваю кнігу “Майстра Рукша”, зробленую паводле беларускай міфалогіі. Казаньне-казачка пра майстра слыннага Рукшу і пра тое, як змайстраваў ён коніка незвычайнага Грыўку. З музыкай і прэзентамі.

У раскладзе магчымы змены.

Узгадайце, якім быў навагодні фестываль "З ног на галаву" у мінулым годзе.

AVIEW NOMAD GALLERY

Галерэя сучаснага мастацтва “Ў”

пры падтрымцы Шведскага Інстытута і Амбасады Каралеўства Швецыі ў Беларусі

прадстаўляюць праект CityArtLab

5 снежня а 19 гадзіне адбудзецца афіцыйнае адкрыццё і прэзентацыя сумеснага праекта CityArtLab Minsk.

Праграма адкрыцця:

19.00 - Перформанс Light/Dark ( Marina Abramovich & Ulay, orig. 1977) Анна Віёла Халлберг і Ірына Ануфрыева

19.30 - Прэзентацыя праекта CityArtLab

З 20.00 - Live Графіці і аўдыё-візуальны перформанс ад Караліны Фалкхолт.

CityArtLab - гэта часовая крэатыўная лабараторыя. Кожны дзень мы абіраем пэўную тэму: жыццё ў Мінску, сінтэз разнастойных стыляў і напрамкаў мастацтва, стрыт-арт культура, мастацтва ў публічнай прасторы і ладзім майстар-класы, дыскусіі, ворк-шопы.

Праект CityArtLab быў ініцыяваны у 2011 годзе шведскім мастаком і куратарам Аннай Віёлай Халберг (Anna Viola Hallberg) . Першы этап праекта быў рэалізаваны ў чэрвені гэтага года ў невялікім шведскім мястэчку Марыестад. Напрацягу месяца група з 20 студэнтаў творчых ВУЗаў з ўсяго свету сумесна з жыхарамі горада распрацоўвала стратэгіі крэатыўнага і культурніцкага развіцця горада, развіцця творчага патэнцыяла гараджан (літаратурныя і тэатральныя акцыі), вырашэння пры дапамозе разнастайных арт-практык надзённых праблем дадзенай мясцовасці.

Да ўдзелу ў Мінскай лабараторыі запрошаны ўдзельнікі шведскага праекта: куратар і мастак Караліна Фалкхолт, перформер Ірына Ануфрыева (Швецыя/Беларусь), мастак Віта Даймчуйце (Расія) а таксама беларускі фатограф і філолаг Марыя Хрусталёва. У праграме CityArtLab запланавана серыя перформансаў, дыскусіі і лекцыі пра сацыяльна-арыентаванае мастацтва, разважанні аб будучыні Мінска і ўздзеяння на гэту будучыню кожнага з нас.

4 - 27 лістапада 2011

Галерэя сучаснага мастацтва "Ў"

праект "20 000 запальнічак"

графіка Васіля Шугалея і жывапіс Вольгі Шугалей

4 лістапада а 19-й гадзіне адбудзецца VIP-адкрыццё праекта "20 000 запальнічак", а таксама канцэрт гурта "Ы.Ы.Ы." (уваход па запрашэннях)

"Шугалей і маляванне

Быў час вялікіх падзей, і быў час дробных перажыванняў, і ўсё гэта быў адзін і той жа час. Руйнавалася, сыпалася, крышылася некалі магутная імперыя; а Вася Шугалей сядзеў на ганку рэдакцыі часопіса “Крыніца” і складаў вершыкі пра “бубу цябе ў губу” ды пра “я хачу бубу ў бубу”. Паўставалі новыя дзяржаўнасці, а Вася на клубнай сцэне здымаў штаны і заставаўся ў чырвоных трусалях. Мяняліся стыль і лад жыцця, а Вася… Вася сядзеў і старана перамалёўваў тушшу на паперу чужыя фотаздымкі. Вася хацеў быць усім адначасова: і мастаком, і паэтам, і рок-артыстам, і тэлезоркай. Тады ўсё ва ўсіх атрымлівалася лёгка. Хочаш быць мастаком? Будзь! Вася набраў фотаздымкаў у свайго таварыша Цімура Грыба і перамаляваў, і прынёс мне з надзеяй, што я надрукую малюнкі ў вялікатыражнай “Крыніцы”, ці хоць бы малатыражным часопісіку “Мастацтва Беларусі”. Я вырашыў надрукаваць у часопісіку толькі здымкі Цімура Грыба, а ў “Крыніцы” змясціць фотапартрэт Васі і ягоны дробнатэмны і моцнасэксуальны верш пра хаценне “бубу ў бубу”. Канешне, я спрабаваў нешта расказаць Шугалею пра маляванне з натуры, але на доўгія размовы ў нас не было часу. Свет мяняўся, трэба было займацца вялікімі справамі. Цяпер у нас час дробных падзей і вялікіх перажыванняў. Васі Шугалея даўно няма сярод жывых, а малюнкі засталіся. Яны засталіся каб нагадваць пра час вялікіх падзей."

Адам Глобус

«Вася Шугалей - гэта той чалавек, які здолеў за сваё нядоўгае жыццё пакінуць дзіўны, непаўторны, вар'яцкі след у культурным і музычным жыцці Мінска, Піцера і Масквы. Ён - чалавек фантастычна вынаходлівы, абсалютна рок-н-рольны і шалёна таленавіты, пры гэтым нястрымны ў сваіх жаданнях і памкненнях.

Ён рабіў усё: перакладаў тэксты Джыма Морысана, арганізоўваў праекты-падарункі Але Пугачовай, выводзіў у людзі" Бі-2", дапамагаў гурту "Забароненыя барабаншчыкі", прапіхваў на вяршыню славы "ЛяпісаТрубяцкога". Увогуле кажучы, Вася - чалавек неверагоднага энтузіязму. І пры гэтым, нягледзячы на сваё сцэнічнае хуліганства, вельмі сціплая асоба і тонкі лірык. З 2001 года Вася заняўся ўласным праектам «20000 зажЫгалок ».

Максім Жбанкоў

Вася Шугалей (1970-2003) Музыка, паэт і мастак. Сваю творчую біяграфію Васіль пачаў з арт-панк-праекта «Ы.Ы.Ы.» ў 1991 годзе. Сёння дырэктар студыі «ОСМАС» і ўдзельнік гурта «Ы.Ы.Ы.» Павал Юрцэвіч паспрабаваў сабраць той склад, які быў. У выніку атрымалася змяшаная каманда: на палову з тых людзей, хто “запальваў” тады, другая палова - прафесіяналы з розных музычных гуртоў.

У якасці вакаліста выступiць Аляксандр Памідораў.

У склад гурта таксама ўвайшлі Артур Гапановіч (акустычная гітара), Уладзіслаў Някрасаў (кларнет), Зміцер Паплаўскі (гітара), Максім Івашын (клавішныя),Ягор Каблоў (бас-гітара), Алег Вайтулевіч (бубны), Канстанцін Карповіч (трамбон), Радаслаў Сасноўцаў (труба), Святлана Мязінцава, Вольга Рамановіч, Таццяна Звяздова, Ганна Дубовік (усе - бэк-вакал).

Галерэя сучаснага мастацтва “Ў”

08.10 – 28.10.2011

Як у жахлівай казцы

А.Р.Ч.

жывапіс, графіка

На працягу двух гадоў сваёй актыўнай працы галерэя сучаснага мастацтва "Ў" выстаўляла разнастайнае беларускае сучаснае мастацтва. На свае народзіны галерэя рашылася на персанальную выставу ўнікальнага для беларускага мастацтва мастака А.Р.Ч. "Як у жахлівай казцы". Мастака, які працуе пад псеўданімам А.Р.Ч., можна вызначыць як тыповага прадстаўніка ар брут ("грубае мастацтва"), мастацтва аўтсайдараў, якое характарызуецца маргінальным стаўленнем да прафесійнай сістэмы мастацтва, брутальнасцю і інтуітыўным характарам творчасці. Прадстаўнікі ар брут працуюць толькі для сябе і сваіх блізкіх, пакуль эксперты не залічаць іх творчасць да сістэмы мастацтва. Мастак А.Р.Ч. як раз знаходзіцца на этапе перахода ад аматарскай творчасці да прафесійнай дзейнасці. У выставу ўключаны яго апошнія працы, выкананыя ў тэхніцы алейнага жывапісу, а таксама раннія графічныя працы, некаторыя з якіх падпісаны папярэднім псеўданімам аўтара – "Асёл".

Творчасць прадстаўнікоў ар брут часцей за ўсё характарызуецца такімі рысамі, як эскапізм, сублімацыя і страх – усё гэта добра праяўляецца ў працах А.Р.Ч. Яго псеўданім – гэта ініцыялы Андрэя Раманавіча Чыкацілы, вядомага серыйнага маньяка. Вобраз Чыкацілы з'яўляецца ключавым у выставе "Як у жахлівай казцы": партрэт Чыкацілы, які чытае лекцыю сваім ахвярам, партрэты саміх ахвяраў забойцы, працы, прысвечаныя іншым савецкім маньякам, і ў аснове выставы – партрэт Чыкацілы, які пакаяўся.

Што прымушае маладога мастака, які жыве ў маленькім беларускім мястэчку, ствараць выявы такога кшталту? Чаго больш у працах А.Р.Ч., які называе сябе серыйным мастаком, – сублімацый, страху ці асабістых траўмаў? Гэтыя і іншыя пытанні падымае самая, мабыць, неадназначная з мінулых праектаў галерэі "Ў" выстава "Як у жахлівай казцы".

Асобам да 18 гадоў уваход на выставу забаронены

Творчая майстэрня па сучасным рамястве I, CULTURE PUZZLE 

ў межах міжнароднай культурнай праграмы польскага старшынства ў Еўрасаюзе

Ператварыцеся на адзін дзень у рамесніка і далучыцеся да міжнароднага праекта I, CULTURE PUZZLE

18 верасня ў мінскім Палацы Мастацтваў (вул. Казлова, 3) з 12:00 да 18:00 пройдзе творчая майстэрня па сучасным рамястве I, CULTURE PUZZLE. Уваход – вольны.

Глабальны праект I, CULTURE PUZZLE праводзіцца ў межах міжнароднай культурнай праграмы польскага старшынства ў Еўрасаюзе ў 10 сталіцах свету – ад Мадрыда да Токіа. У Мінску ў межах праекта творцы і рамеснікі правядуць майстар-класы па сучасным рамястве: кожны жадаючы зможа навучыцца шыць, майстраваць брошкі, лялькі ці заколкі, дэкарыраваць старую вопратку і яшчэ шмат чаму. Вынік сваёй працы можна будзе забраць з сабою.

Кульмінацыяй майстэрні стане стварэнне беларускай часткі паззла-палатна I, CULTURE. Фрагменты гэтага паззла размеркаваныя сярод 10 сталіц-удзельніц праекта: кожная краіна падрыхтуе сваю частку, пасля чаго з іх сшыюць палатно I, CULTURE. Мінскі фрагмент памерам 20х20 метраў супольна сшыюць і напоўняць уласнымі вырабамі ўдзельнікі майстэрні. Пасля яго выява з'явіцца на афіцыйным сайце праекта www.culture.pl, дзе зойме сваё месца сярод іншых частак вялікага пазла.

Майстэрня I, CULTURE PUZZLE ладзіцца на двух паверхах палаца: акрамя майстар-класаў можна будзе наведаць выставу твораў сучасных рамеснікаў і набыць дызайнерскія вырабы.

Другі паверх:

• Майстар-клас Уладзіміра Лісовенка, дзе можна будзе навучыцца ствараць габелен з сучасных матэрыялаў.

• Майстар-клас па рэстаўрацыі старых крэслаў, які правядзе дызайнер Таццяна Гамза.

• Стварэнне беларускага фрагмента паззла-палатна I, CULTURE.

Першы паверх:

• Выстава сучасных рамеснікаў.

• Майстар-класы па вязанню, шыццю.

• Крама галерэі “Ў”.

• Студыя дызайна “Адліга”.

Музычнае суправаджэнне: Dj Papa Bo.

Дадатковую інфармацыю можна атрымаць у Галерэі сучаснага мастацтва «Ў» па адрасе:

Мінск, пр. Незалежнасці, 37А.

Кантактныя тэлефоны:             +375 172 86 31 68      ,             + 375 29 642 87 65